Qalyń jaýǵan qardyń saldarynan Beıjińdegi «Shoýdý» halyqaralyq áýejaıynda 50 shaqty reıs keıinge qaldyryldy
BEIJІŃ. Aqpannyń 8-i. QazAqparat /Rýslan Súleımenov/ - Ótken demalys kúnderi tolassyz jaýǵan qalyń qardyń saldarynan Beıjińdegi «Shoýdý» halyqaralyq áýejaıynda 50 shaqty reıs keshikti jáne keıinge qaldyryldy.
Jergilikti buqaralyq aqparat quraldarynyń habarlaýynsha, aýa raıynyń qolaısyzdyǵynan ótken demalys kúnderi 43 reıs keshiktirildi, 7 reıs keıinge qaldyryldy, 51 reıs keste boıynsha oryndaldy. Qazirgi tańda áýejaıdyń barlyq úsh ushyp-qoný alańy jumys isteýde.
Esterińizge sala keteıik, qańtar aıynyń basynda qalyń qardyń saldarynan osy «Shoýdý» áýejaıynda 800-ge jýyq reıs joldan qaldyrylǵan edi.
