Qalyń jaýǵan qar Eýropany ábirjitip tastady
ASTANA. 2 jeltoqsan. QazAqparat - Qalyń jaýǵan qar Eýropany ábirjitip tastady - birqatar elderde áýejaı jumystary toqyrap, jol qozǵalystary toqtap tur,
dep habarlaıdy VVS kompanııasy.
Aýa temperatýrasy 20 gradýsqa deıin tómendegen Polshada segiz qańǵybas sýyqtan úsip óldi.
Ulybrıtanııa, Frantsııa jáne Shveıtsarııada birqatar áýejaılar jabyldy, al Ispanııa men Germanııada ondaǵan áýe reısteri kidirip tur.
Aýa raıynyń saldarynan tanymal adamdar da japa shegýde: Ispanııanyń premer-mınıstri Hose Lýıs Rodrıges Sapatero 2018 jyly Álem chempıonatyn qabyldaıtyn elderdiń taǵdyry sheshiletin FIFA Atqarýshy komıtetiniń Tsıýrıhtegi daýys berý jınalysyna jete almaı otyr.
Máskeýde temperatýra 23,6 gradýsqa deıin tómendedi.
Al Ulybrıtanııanyń meteorologııalyq qyzmeti eldiń shyǵys jaǵalaýy men birqatar ortalyq aýdandarda qalyń qar jaýatyny týraly eskertý taratty. Myńdaǵan mektepter, Londondaǵy Getvık áýejaıy jáne Edınbýrg áýejaıy jabyldy.
Qurlyqtaǵy Eýropada qalyń jaýǵan qardyń saldarynan Shveıtsarııanyń Jeneva áýejaıy men Frantsııadaǵy Lıon áýejaıy jabyldy. Frantsııanyń 12 óńirinde júk kólikteriniń qozǵalysy shekteldi, Germanııada birqatar joldardy qar basyp qaldy, keı óńilerde mektepterde sabaqtar toqtatyldy.
