Qalyń tumanǵa baılanysty Aqmola jáne Qaraǵandy oblystarynda jol jabyldy

ASTANA. QazAqparat - «QazAvtoJol» ulttyq kompanııasy birqatar óńirde jol jabylǵanyn jarııa etti, dep habarlaıdy QazAqparat.

Aqmola oblysynda «Ekaterınbýrg-Almaty» tasjolynyń 1291-1353 shaqyrym aralyǵynda, Jaqsy aýylynan Atbasar qalasyna deıingi aralyqta kóliktiń barlyq túri úshin qozǵalys shektelgen.

Oǵan sebep - qalyń tuman men kórinýdiń shektelýi.

Sondaı-aq osy óńirde «Astana-Qorǵaljyn» tasjolynyń 19-124 shaqyrymynda da kólik júrýine tyıym salyndy.

Qaraǵandy oblysynda da Aqmola oblysy shekarasynan Temirtaý qalasynda deıingi jolda kóliktiń barlyq túrine shekteý engizildi.

Bul - «Ekaterınbýrg-Almaty» avtojolynyń 1353-1425 shaqyrym aralyǵyndaǵy ýchaske.