Qalyń tuman men nóserli jaýyn: Túrkistan oblysynda júrgizýshilerge eskertý jarııalandy

TÚRKІSTAN. QazAqparat - Túrkistan oblysynda aýa raıynyń nasharlap, qalyń tuman túsýine baılanysty polıtseıler júrgizýshilerge eskertý joldady, dep habarlaıdy QazAqparat tilshisi.

«Qurmetti Túrkistan oblysynyń turǵyndary men qonaqtary, Ordabasy men Báıdibek aýdandarynyń 15-134 shaqyrym baǵytynda Shymkent-Samara tasjolynda qalyń tuman men nóserli jaýynǵa baılanysty jolda jyldamdyqty asyrmaı, jol erejesin qatań saqtaýǵa shaqyramyz!», - delingen habarlamada.

Qalyń tuman júrgizýshilerdiń jolda júrýine kedergi keltirýde. Taýǵa jaqyn aımaqtarda jaýǵan jaýynnan asfalt beti kólik dońǵalaqtarynyń qozǵalýyna qıyndyq týǵyzýda.

Qazirgi kezde tártip saqshylary trassalardyń boıynda jol-kólik oqıǵalarynyń aldyn alý maqsatynda kezekshilik atqaryp jatyr.