Qalyń tuman: Almaty – Óskemen tasjoly jabyq

NUR-SULTAN. QazAqparat – «Almaty - Óskemen» baǵytyndaǵy respýblıkalyq tasjoldy qalyń tuman basýyna baılanysty kólik qozǵalysyna tyıym salyndy, dep habarlaıdy QazAqparat.

«Almaty oblystyq «QazAvtoJol» jáne «Qazaqavtodor» ulttyq kompanııalary fılıaldarynyń málimetinshe, búgin saǵat 11:30-dan bastap aýa raıynyń nasharlaýyna baılanysty (qalyń tuman, joldyń kórnbeýi nólge teń) «Almaty – Óskemen» respýblıkalyq tasjoly (Qapshaǵaı qalasy - Saryózek aýyly 76-161 shaqyrym) barlyq avtokólik túri úshin jabyldy»,- delingen Almaty oblysy TJD baspasóz qyzmeti taratqan aqparatta.

Osy oraıda Almaty oblysynyń tótenshe jaǵdaı departamenti azamattardan atalǵan baǵyt boıynsha jolǵa shyqpaýǵa keńes beredi.

Aıta keteıik, búgin saǵat 09:00-den bastap respýblıkalyq mańyzy bar «Almaty-Shelek-Qorǵas» avtojolynda (Tóńkeris aýylynan 34 shaqyrym, 118 shaqyrym Alavar aýyly) barlyq avtokólik túrleri úshin qozǵalys ashyldy.

Eske sala ketsek, keshe saǵat 20:00-den bastap «Almaty-Shelek-Qorǵas» tasjoly (34-118 shaqyrym, Tóńkeris - Lavar aýyly) aýa raıynyń nasharlaýyna baılanysty jabylǵan edi.