Qalyń qardyń saldarynan Beıjiń áýejaıynan júzdegen jolaýshy usha almaı tur
ASTANA. Qarashanyń 10-y. QazAqparat - Dúısenbiden seısenbige qaraǵan túni Qytaı elordasyna jaýǵan qalyń qardyń saldarynan Beıjiń halyqaralyq áýejaıynda 90-nan astam reıs keıin qaıtaryldy nemese keıinge ysyryldy.
Ótken túni qardyń qalyń jaýýy saldarynan, «Shoýdý» halyqaralyq áýejaıynda 90-nan astam reıs qonýǵa ruqsat ala almady nemese keshiktirildi. Seısenbi kúni tańǵy saǵat 8-degi jaǵdaı boıynsha (máskeý ýaqyty boıynsha 3.00) áýejaı qyzmetteri keshiktirilgen taǵy 30 reısti qabyldaýy nemese jóneltýi kerek, dep habarlaıdy QazAqparat «RIA «Novostı» agenttigine silteme jasap.
2009 jylǵy alǵashqy qar Beıjińde qarashanyń 1-inde jaýdy, ol sońǵy 20 jyldaǵy rekord boldy. Sınoptıkterdiń boljamynsha, Beıjińde apta boıy qar jaýady, kún sýytady.
Jol qyzmetteri Beıjińiń turǵyndaryn avtokólikterin qoıyp, metromen júrýge jáne joldarǵa shyqpaýǵa keńes berýde. Beıjińde qar men jańbyr sırek jaýady, sondyqtan da atalǵan tabıǵı qubylystyń kez-kelgeni jol-kólik oqıǵalarynyń kóbeıip, uzynnan-uzaq jol keptelisteriniń oryn alýyna sebep bolady.
Beıjiń joldaryndaǵy kóktaıǵaqpen kúresý úshin seısenbi kúni tańerteń arnaıy qyzmetterge 2 myń tonnadan astam arnaıy tuz bólindi.
