Qalyń qar jaýady: Almatyda qar jınaý jumysyna kezekshilik uıymdastyrylady
ALMATY. QazAqparat - Almatyda búginnen bastap 10 aqpan tańǵa deıin qar jaýady dep kútilip otyr. Bul týraly Almaty qalasynyń turǵyn úı saıasaty basqarmasy málimdedi, dep habarlaıdy QazAqparat tilshisi.
Basqarmanyń málimetine sáıkes, Almatyda aýa temperatýrasy kúndiz 0…-2, túnde -4…-6 gradýs shamasynda bolady. Qalada tuman men joldarda kóktaıǵaq bar.
Sondaı-aq, Almatyda kóktaıǵaq qubylystaryn aldyn alý maqsatynda 204 qumshashqyshtyń kezekshiligi uıymdastyrylady.
Qar tazalaý jumysyna barlyǵy 624 arnaıy tehnıka men 1538 jol jumysshysy jumyldyrylady.
«Muz qatýy boljamyna oraı joldyń júrý bóliginde, trotýarda kóktaıǵaq paıda bolýy múmkin. Sondyqtan turǵyn úı saıasaty basqarmasy avtoáýesqoılar men jaıaý júrginshilerden saqtyq sharalaryn saqtaýdy ótinedi.
Júrgizýshilerge jyldamdyqty tómendetýge, kólik arasynda qashyqtyqty arttyrmaýǵa jáne kenetten manevr jasamaýǵa keńes beremiz. Jaıaý júrginshiler trotýarda júrgen kezde kóktaıǵaqqa qatysty qaýipsizdik sharalaryn saqtaýy tıis», - dep eskertti qalalyq turǵyn úı saıasaty basqarmasynda.
