Qalyń qar, tuman jáne kóktaıǵaq – beısenbige arnalǵan aýa raıy
NUR-SULTAN. QazAqparat – Sınoptıkter 6 qańtarǵa arnalǵan aýa raıy boljamyn jarııalady, dep habarlaıdy QazAqparat Qazgıdrometke silteme jasap.
Frontaldy bólikterdiń ótýimen elimizde basym bóliginde qar jaýady, elimizdiń ońtústigi men batysynda qara aralas jańbyr jaýady, kúndiz Túrkistan oblysynyń taýly aýdandarynda qalyń qar jáne jańbyr jaýady. Elimizdiń keı jerlerinde jaıaý burqasyn soǵyp, tuman túsedi, kóktaıǵaq bolýy yqtımal.
Batys Qazaqstan oblysynyń batysynda, soltústiginde, shyǵysynda tuman túsedi, kóktaıǵaq bolady, burqasyn soǵýy yqtımal, kúndiz oblystyń soltústik-shyǵysynda jel 15-20 m/s kúsheıedi.
Atyraý oblysynyń batysynda, soltústiginde, shyǵysynda, túnde jáne tańerteń batysynda, Mańǵystaý oblysynyń ortalyǵynda tuman túsedi, kóktaıǵaq bolýy múmkin.
Túnde Aqtóbe oblysynyń soltústik-shyǵysynda, shyǵysynda, kúndiz batysynda, soltústik-batysynda jaıaý burqasyn soǵady, oblystyń batysynda tuman túsýi múmkin.
Qostanaı oblysynyń ońtústiginde jaıaý burqasyn soǵaly, tuman túsip, kóktaıǵaq bolýy múmkin.
Soltústik Qazaqstan oblysynyń ońtústiginde, shyǵysynda jaıaý burqasyn soǵady, ońtústik-batysynda tuman túsýi múmkin.
Aqmola oblysynyń soltústik-batysynda, ońtústik-shyǵysynda jaıaý burqasyn soǵady, oblystyń shyǵysynda tuman túsýi yqtımal, oblystyń batysynda jel 15-20 m/s kúsheıedi.
Pavlodar oblysynyń ońtústik-shyǵysynda tuman túsýi múmkin.
Qaraǵandy oblysynyń batysynda, ońtústiginde, Qyzylorda oblysynyń soltústiginde jáne ortalyǵynda, Túrkistan oblysynyń soltústiginde, batysynda, ońtústiginde, taýly jáne taý bókterli aýdandarynda tuman túsýi jáne kóktaıǵaq bolýy múmkin, Túrkistan oblysynyń taýly asýlarynda jel 15-20 m/s kúsheıedi.
Túnde jáne tańerteń Shyǵys Qazaqstan oblysynyń soltústik jartysynda, ortalyǵynda, ońtústiginde jaıaý burqasyn soǵýy múmkin, oblystyń soltústiginde, batysynda tuman túsýi yqtımal, oblystyń ońtústik-shyǵysynda, shyǵysynda 15-20 m/s jel kúsheıedi.
Jambyl oblysynyń soltústiginde, ońtústik-batysynda, taýly aýdandarynda kóktaıǵaq bolady, oblystyń soltústiginde, taýly jáne taý bókteri aýdandarynda tuman túsiýi múmkin, jel 15-20 m/s kúsheıedi.
Almaty oblysynyń shyǵysy men ońtústiginde tuman kútiledi, Alakól aýdanynda jeldiń jyldamdyǵy 15-20 m/s jetedi.
