Qalyń qar Slovakııadaǵy kólik qozǵalysyn toqtatty
ASTANA. 23 aqpan. QazAqparat - Ótken túnde Slovakııada jaýǵan qalyń qar kóptegen jerlerde avtomobıl jáne temirjol qozǵalysyn toqtatty. 25 sm qar jaýǵan Slovakııanyń astanasynda kúrdeli jaǵdaı ornady. Kólik joldarynyń kóbinde úlken júk kólikteriniń qozǵalysy toqtatyldy. Bul týraly ITAR-TASS habarlaıdy.
Bratıslava bıligi kóshelerdi tazartý úshin aýyr tehnıkany shyǵarýda. Joldardaǵy qozǵalys problemalary sondaı-aq Nıtra jáne Poprad qalalarynda tirkeldi. Aımaqtardan qardyń saldarynan qulatylǵan aǵashtar men elektr tasymaldaý jelileriniń úzilýi týraly habarlar kelip túsýde.
Sınoptıkterdiń boljamynsha, qar búgin kúni boıy jaýady. Bul rette jaýyn-shashyn kórshiles Chehııaǵa da ótedi, onda eki kúnniń ishinde 30 sm qarǵa deıin túsýi múmkin.
