Kalıandy zańdastyrý bıýdjetke 50 mlrd teńge túsirýi múmkin - mınıstr
ASTANA. KAZINFORM — Kalıanhanalardy lıtsenzııalaý Qazaqstan bıýdjetine 50 mlrd teńgege jýyq qosymsha kiris ákelýi múmkin. Bul týraly Qarjy mınıstri Mádı Takıev málim etti.
Onyń aıtýynsha, vedomstvo kalıan kásiporyndaryn lıtsenzııalaý ıdeıasyn qoldaıdy.
— Búginde elimizde kalıanǵa tyıym salynǵan, sondyqtan olardyń naqty sanyn aıtý múmkin emes. Biraq olarǵa lıtsenzııa berý kerek degen ustanymdamyz, óıtkeni olar áli de jumys istep jatyr. Sondyqtan lıtsenzııalyq tólemder arqyly olardan bıýdjetke tabys alǵan jón bolady, - dedi M. Takıev Parlament májilisinde tilshiler suaǵyna jaýap bere otyryp.
Mınıstr kalıandy zańdastyrý jáne lıtsenzııalaý týraly zań jobasy áli de pysyqtalyp jatqanyn eske saldy.
— Osy baǵytta jasalǵan esepteýge qaraǵanda, osy norma qabyldanǵan jaǵdaıda, qosymsha kiris shamamen 50 mlrd teńgeni quraıdy, - dedi vedomstvo basshysy.
Eske salsaq, buǵan deıin Qazaqstanda 20 myńǵa jýyq kalıanhananyń qyzmeti zańdastyrylýy múmkin ekeni aıtylǵan.
