Qalta kalkýlıatoryn oılap tapqan adam qaıtys boldy
ASTANA. QazAqparat - Qalta kalkýlıatoryn oılap tapqan ónertapqyshtardyń biri Djerrı Merrıman 86 jasynda qaıtys boldy. The New York Times basylymynyń jazýynsha, ınjener-elektrık Dallas qalasynda júrek aýrýynan kóz jumǵan.
1965 jyly ol kolledj dıplomynsyz Texas Instruments elektronıka óndirýshilerine jumysqa turady. Eki jyldan soń oǵan qaltaǵa syıatyn shaǵyn kalkýlıator jasaý tapsyrylady.
«Ol mundaı kalkýlıatordyń shemasyn nebári úsh kúnde jasap shyqqan. Ol qurastyrǵan kalkýlıator prototıpi qazir Amerıka tarıhynyń ulttyq mýzeıinde saqtaýly», dep jazady avtor.
