Qalpyna keltirýge bolady - Saǵadıev elektrondy kúndelikke hakerlik shabýyl týraly
«Ulttyq aqparattyq tehnologııalarǵa shabýyl jasaldy jáne sáıkesinshe elektrondy kúndelikke zaqym keldi. Shabýyl birneshe kúnge jalǵasqan. Іstiń mán-jaıyn tolyq bilmeımin. «Kúndelik» júıesi «UAT» AQ qarasty, sonyń ishinde ornalasqan», - dep jaýap berdi mınıstr Úkimet úıinde jýrnalıster suraǵyna.
Onyń aıtýynsha, shabýyl saldarynan kundelik.kz qana zardap shekken joq.
«Elektrondy úkimettiń birneshe qyzmeti istemeı qaldy, biraq bul barlyǵy qırady degen sóz emes. Sol sátte ýaqytsha isten shyqqan bolýy múmkin. Men bul salanyń mamany emespin, biraq qajetti qorǵaýshy baǵdarlamalardy ornatsa, barlyǵy óz ornyna keledi», - dedi Saǵadıev.
Buǵan deıin birqatar BAQ kundelik.kz portalyna hakerlik shabýyl jasalǵanyn habarlaǵan edi. QR BǴM ókilderiniń túsindirýinshe, shabýyl 4 qazan kúni bolǵan.
