Qalmuxanbet Qasymov barlyq tergeýshilerge planshet bermek
QR Іshki ister mınıstri Qalmuxanbet Qasymovtyń aıtýynsha, aldaǵy ýaqytta "Tergeýshi" atty avtomattandyrylǵan aqparattyq júıeni iske qosý josparlanǵan. "Sonyń aıasynda barlyq tergeýshiler men isti anyqtaýshy mamandardy jeke planshettermen qamtamasyz etý kózdelip otyr. Osylaısha, qylmystyq isterdi tergeýdi jyldamdatyp qana qoımaı, osy saladaǵy jumystyń sapasyn arttyrýǵa bolady. Tergeýshiler memlekettik organdardyń barlyq aqparattyq bazalaryna birden kire alady. Sondaı-aq, olarǵa naqty qylmystyq iske qatysty ádistemelik materıaldar jiberilip turady", - dedi Q.Qasymov.
Mınıstrdiń sózine qaraǵanda, jańa aqparattyq júıeniń arqasynda qylmystyq isti tergeý ýaqytyn barynsha qysqartýǵa bolady. Budan bólek, qylmystyq isterdi tergeý jumysyn baqylaýda ustaýǵa múmkindik bar. Atalǵan jobanyń jalpy quny - 2,4 mlrd teńge.
"Sóz joq, atalǵan jobany iske asyrý úshin bıýdjetten qyrýar qarjy bólinýi kerek. Alaıda bıyl respýblıkalyq bıýdjet komıssııasy ishki ister mınıstrliginiń atalǵan shyǵyndaryn qoldaǵan joq", - dep atap kórsetti Q.Qasymov.