Qalmuhanbet Qasymov jýrnalısterdi marapattady
ASTANA. QazAqparat - Іshki ister mınıstrliginde Baılanys jáne aqparat qyzmetkerleri kúni men «Saqshy - Na straje» gazetiniń 85 jyldyǵyna oraı mınıstr Qalmuhanbet Qasymovtyń qatysýymen saltanatty shara ótti, dep habarlaıdy QazAqparat tilshisi.
Saltanatty sharaǵa ortalyq apparattyń jeke quramy men basshysy, ishki ister organdarynyń ardagerleri men BAQ ókilderi qatysty.
Mınıstr óz sózinde jýrnalıster qaýymyn kásibı merekesimen quttyqtap, polıtsııanyń jumysyna ylǵı da qyzyǵýshylyq tanytyp, shynaıy ári jan-jaqty aqparat beretin BAQ ókilderine alǵysyn bildirdi.
Sondaı-aq Qalmuhanbet Qasymov ishki ister organynyń jumysyn BAQ-ta belsendi jarııalap júrgen 34 jýrnalısti marapattady. Olardyń arasynda «QazAqparat» Halyqaralyq aqparat agenttiginiń shef-redaktory Baqytjan Erbasov ta bar.
Kezdesý qazaq estradasynyń jaryq juldyzdary Mádına Sádýaqasova, Beıbit Qorǵan, Marjan Arapbaevanyń qatysýymen jáne QR ІІM Ulttyq gvardııasynyń ansambliniń umytylmas áýenimen aıaqtaldy.
