Qalmuhanbet Qasymov: Jol apatyn azaıtý úshin ınfraqurylym máselesin sheshý kerek
ASTANA. QazAqparat - Іshki ister mınıstri Qalmuhanbet Qasymov jol apattaryn jalǵyz polıtsııalyq jáne ákimshilik ádis-amaldarmen azaıtý múmkin emestigin aıtty, dep habarlaıdy QazAqparat tilshisi.
«Taza polıtsııalyq jáne ákimshilik ádis-amaldarmen joldardaǵy tártipti retke keltire almaımyz. Bálkim, bul jerde jol ınfraqurylymyn damytý boıynsha máseleni sheshken durys sekildi. Naqtyraq aıtqanda, jol aıryqtaryn, jaıaý júrginshiler jolyn, joldar boıynsha qorshaý amaldaryn qarastyrǵan jón», - dedi mınıstr OKQ-da ótken baspasóz máslıhatynda.
Qalmuhanbet Qasymov óz sózinde jol-kólik oqıǵalarynda kóz jumǵandardyń 20 paıyzy joldyń qarama-qarsy betine shyǵyp ketetindikten tirkeletinin atap ótti.
«Búkil álem boıynsha mundaı oqıǵalardyń aldyn alý úshin joldy qorshaýmen bólý amaldary qarastyrylýda. Qaza bolǵandardyń 25 paıyzy kólik qaǵyp ketken jaıaý júrginshiler. Ondaı jaǵdaıǵa jaıaý júrginshilerdiń joldyń ruqsat etilmegen bóliginen ótip ketpek bolýy sebep bolady», - dedi mınıstr.
Tilshilerdiń suraqtaryna jaýap bere kele Qalmuhanbet Qasymov Astana men Býrabaı aralyǵyndaǵy, Astana men Qaraǵandy aralyǵyndaǵy joldy mysal retinde keltirdi.
«Atalmysh joldarda jol-kólik oqıǵalary men jol apatynan kóz jumǵandardyń sany 70 paıyzǵa azaıdy», - dedi mınıstr.
