Qalmuhanbet Qasymov úzdik polıtseılerge memlekettik nagradalardy tapsyrdy
ASTANA. QazAqparat - Otan qorǵaýshy kúni men Jeńis kúnine oraı QR Іshki ister mınıstri qyzmet babynda eren erlikterimen, eńbekterimen kózge túsken úzdik polıtsııa qyzmetkerlerine memlekettik nagradalardy tapsyrdy, dep habarlaıdy QazAqparat tilshisi.
Іshki ister mınıstrliginde Otan qorǵaýshylar kúnine jáne Jeńis kúnin merekeleýge arnalǵan saltanatty is-shara ótkizilip jatyr. Іs-sharaǵa mınıstrliktiń basshylyǵy men apparattyń jeke quramy, ishki ister organdary men Ulttyq ulan ardagerleri qatysýda.
Іshki ister mınıstri Qalmuhanbet Qasymov shara barysynda birqatar qyzmetkerlerge memlekettik nagradalardy tabystady.
Atap aıtqanda, І dárejeli «Dańq» ordenimen esirtki, psıhotroptyq zattar men olardyń prekýrsorlarynyń zańsyz aınalymyna qarsy kúres jónindegi Ortalyq Azııa óńirlik aqparattyq úılestirý ortalyǵy dırektorynyń orynbasary A.Shaıahmetov, Almaty qalasynyń ІІD bastyǵy S.Kúdebaev jáne Almaty oblysynyń ІІD bastyǵy M.Úrimhanov ІІ dárejeli «Dańq» ordenimen nagradtaldy.
ІІ dárejeli «Aıbyn» ordenimen Almaty qalasynyń TJD Órt sóndirý jáne apattan qutqarý qyzmetiniń №2 órt sóndirý bólimshesiniń qaraýyl bastyǵy M.Qulnazarov jáne QR Ulttyq ulanynyń 5573 áskerı bóliminiń komandıri S.Shekarbekov marapattaldy.
Qyzmet ótkerý barysynda erlikpen qaza tapqan Astana qalalyq ІІD jergilikti polıtsııa qyzmeti jol-patrýldik polkiniń polıtseıi D.Tórebekovke taǵaıyndalǵan ІІІ dárejeli «Aıbyn» ordeni onyń anasyna tabys etildi.
«Aıbyn» ІІІ dárejeli ordenimen Qostanaı oblystyq TJD Órt sóndirý jáne apattan qutqarý qyzmetiniń №2 mamandandyrylǵan jasaǵynyń aǵa órt sóndirýshisi J.Ysqaq nagradtaldy.
«Erligi úshin» medalimen Atyraý stansasyndaǵy jelilik ІІB-niń kámeletke tolmaǵandar isi jónindegi ýchaskelik polıtsııa ınspekory T.Ázbergenov, Astana qalasynyń TJD №6 órt sóndirý bólimshesiniń aǵa órt sóndirýshisi A.Álıjanov, Qyzylorda oblystyq ІІD jedel is-qımyl arnaıy jasaǵynyń ınspektory B.Nurjanov, Atyraý qalalyq ІІB jol-patrýldik polıtsııa batalonynyń vzvod komandıri D.Shoqpytov marapattaldy.
«Jaýyngerlik erligi úshin» medalimen Ulttyq ulannyń 3660 áskerı bólimi komandıriniń orynbasary T.Rahymov, «Eren eńbegi úshin» medalimen Almaty oblysy boıynsha QAJD LA-155/4 mekemesi baqylaý qyzmeti bólimi jasaǵynyń bastyǵy S.Orazaev, Ońtústik Qazaqstan oblysy boıynsha QAJD ICh-167/11 mekemesi keste jáne kúzet bóliminiń korpýs boıynsha aǵa qyzmetkeri B.Súgirálıev, al «QR Qurmet gramotasymen» Qaraǵandy oblysy boıynsha QAJD AK-159/17 mekemesiniń bastyǵy I.Benderskıı marapattaldy.
Aıta ketsek, Aqordada Otan qorǵaýshylar kúnine oraı QR QK Bas Qolbasshysy, Prezıdent Nursultan Nazarbaev Іshki ister mınıstriniń birinshi orynbasary J.Súleımenovke, ІІM Kóshi-qon qyzmetiniń tóraǵasy M.Qabdenovke, ІІM Qylmystyq polıtsııa departamentiniń bastyǵy A.Baımýrzınge, Aqtóbe oblystyq ІІD bastyǵy M.Ábısátovke general shenin tapsyrǵan bolatyn.
