Qalmuhanbet Qasymov terakt jasaǵan Kúlikbaev týraly: Ol túzelmeıdi

ASTANA. QazAqparat - Іshki ister mınıstri Qalmuhanbet Qasymov eki jyl buryn Almatyda terakt jasaǵan Rýslan Kúlikbaevqa túrmede qatań baqylaý jasalǵanyn aıtyp berdi, dep habarlaıdy QazAqparat tilshisi.

«Kúlikbaev týraly aıtarym: ol qazirgi ýaqytta túrmede jazasyn ótep jatyr. Kamerada. Qatań baqylaýda, álbette kameraǵa beınebaqylaý ornatylǵan. Ol eki márte óz ózine qol salmaq boldy. Óz ózine qol jumsamaq bolǵanyn kórgen bizdiń qyzmetkerlerge birden ishke kirip, áreketiniń aldyn aldy. Biz ony turaqty baqylaýda ustaıtyn bolamyz. Óz ózine qol jumsaý týraly oıy bar ekeni túsinikti. Ol túzelýge kelmeıtinin aıtqym keledi. Qolǵa alyp jatqan jumystardyń shynyn aıtqanda eshqandaı psıhologııalyq áseri joq. Ol óziniń pikirinde qalyp otyr. Ol qatań baqylaýda bola beredi», - dedi mınıstr OKQ-da ótken baspasóz máslıhatynda.

Eske sala ketsek, 2016 jyldyń 2 qarashasynda Almatyda terakt uıymdastyryp, 10 adamnyń ómirin qıǵan Rýslan Kúlekbaevqa jáne onyń sybaılastaryna qatysty sot úkimi shyqqan bolatyn.