Qalmuhanbet Qasymov sheteldik áriptesterimen transulttyq qylmyspen kúres máselelerin talqylady
ASTANA. QazAqparat - QR Іshki ister mınıstri, polıtsııa general-polkovnıgi Qalmuhanbet Qasymov Beıjińde birqatar sheteldik áriptesterimen transulttyq qylmyspen kúres máselelerin talqylady. Bul jaıynda atalǵan mınıstrlikke qarasty Memlekettik til jáne aqparat departamentiniń dırektory Almas Sadýbaev málim etti, dep habarlaıdy QazAqparat.
Esterińizge sala ketsek, Qalmuhanbet Qasymov bastaǵan delegatsııa Beıjińde ótip jatqan Halyqaralyq qylmystyq polıtsııa uıymy (Interpol) Assambleıasynyń 86-shy otyrysyna qatysýda.
«Interpol otyrysy aıasynda Q.Qasymov uıymnyń bas hatshysy ıÝ.Shtokpen, Reseı Federatsııasy Іshki ister mınıstri V.Koloýoltsevpen, Tájikstan Іshki ister mınıstri R.Rahımzodamen, Belarýs Іshki ister mınıstri I.Shýnevıchpen, Moldova Іshki ister mınıstri A.Jızdanmen ekijaqty kezdesý ótkizdi. Júzdesýler barysynda transshekaralyq qylmyspen kúres, qylmyskerlerdi halyqaralyq izdeý jáne ekstradıtsııalaý salalaryndaǵy ózara is-qımyldy odan ary nyǵaıtý máseleleri talqylandy», - dedi A.Sadýbaev.
Aıta keteıik, Halyqaralyq qylmystyq polıtsııa uıymy (Interpol) Assambleıasynyń 86-shy otyrysyna 156 eldiń ókili, onyń ishinde polıtsııa vedomstvolarynyń 62 basshysy, 30 ishki ister jáne ádilet mınıstri, 2 Premer-Mınıstrdiń orynbasary, sondaı-aq Interpoldyń Ulttyq ortalyq bıýrosynyń basshylary qatysýda. Alqaly jıyn barysynda Solomon araldary men Palestına Interpolǵa múshelikke ótken bolatyn.
