Qalmuhanbet Qasymov: Ramada Plaza qonaq úıin elordalyq polıtsıeılerge surap otyrmyz

ASTANA. QazAqparat -  QR Іshki ister mınıstri Qalmuhanbet Qasymov Astana qalalyq ishki ister departamentin Ramada Plaza qonaq úıine ornalastyrý máselesine qatysty túsinikteme berdi, dep habarlaıdy QazAqparat tilshisi.

«Ázirshe bul másele sheshilgen joq, qarastyrylyp jatyr. Biz surap otyrmyz. Óıtkeni, ol satylymǵa shyǵarylǵanymen, satylǵan joq. Bizge jalpy úsh ǵımarat qajet. Al biz olardyń barlyǵyn bir ǵımaratqa toptastyrǵymyz keledi. Basqa da múmkinshilikterdi qarastyrý ústindemiz», - dedi mınıstr Úkimet otyrysynan keıin BAQ ókilderiniń saýalyna oraı.

Esterińizge sala ketsek, buǵan deıin birqatar aqparat quralynda Astana qalasynyń ishki ister departamenti  Ramada Plaza qonaq úıine ornalastyrylýy múmkindigi týraly aqparat taraǵan bolatyn. Sol kezde Іshki ister mınıstrligi Memlekettik til jáne aqparat departamentiniń dırektory Almas Sadýbaev da bul máselege qatysty naqty sheshim qabyldanbaǵanyn aıtqan edi.