Qalmuhanbet Qasymov Qaýipsizdik máselelerine jetekshilik etetin joǵary ókilderdiń kezdesýine qatysty
Forým barysynda 70-ten astam memlekettiń ókilderi terrorızmge qarsy is-qımyl, aqparattyq qaýipsizdik jáne tótenshe gýmanıtarlyq jaýap qaıtarý jónindegi ózekti máselelerdi talqylady.
Reseı Federatsııasy Qaýipsizdik Keńesiniń hatshysy Nıkolaı Patrýshevtiń shaqyrýymen kezdesýge kelgen Q.Qasymov «Gıbrıdti qaýip-qaterlerdiń kóbeıýi jaǵdaıynda memleketterdiń ulttyq qaýipsizdigi men turaqty damýyn qamtamasyz etý» atty baıandama jasady.
Shara barysynda Qazaqstan Respýblıkasy Qaýipsizdik Keńesiniń hatshysy Belarýs Respýblıkasy Qaýipsizdik Keńesiniń Memlekettik hatshysy Stanıslav Zaspen, Aýǵanstan Islam Respýblıkasy Prezıdentiniń Ulttyq qaýipsizdik jónindegi keńesshisi Hamdýlla Mohıbpen jáne Izraıl Ulttyq qaýipsizdik keńesi tóraǵasynyń orynbasary Eıtan Ben Davıdpen ekijaqty kezdesýler ótkizdi. 
Taraptar óńirlik jáne álemdik qaýipsizdiktiń negizgi máseleleri jóninde pikir almasty, sondaı-aq osy baǵyttar boıynsha yntymaqtastyqty talqylady.