Qalmuhanbet Qasymov BUU Esirtki jáne qylmys basqarmasynyń atqarýshy dırektorymen kezdesti

ASTANA. QazAqparat - QR Іshki ister mınıstri Qalmuhanbet Qasymov BUU Bas hatshysynyń orynbasary - BUU Esirtki jáne qylmys jónindegi basqarmasynyń atqarýshy dırektory ıÝrıı Fedotovpen kezdesý ótkizdi, dep habarlaıdy vedomstvonyń baspasóz qyzmeti.

Dál sol kúni QR Іshki ister mınıstri Ortalyq Azııa óńirlik aqparattyq úılestirý ortalyǵynyń (OAÓAÚO) dırektory Grıgorıı Pýstovıtovpen kezdesti.

Mınıstr halyqaralyq uıymdardyń ókilderin elimizdegi esirtki ahýalymen jáne zańsyz esirtki aınalymynyń jolyn kesý úshin qabyldanyp jatqan sharalarmen tanystyrdy.

Kezdesýge qatysýshylar yntymaqtastyq jaǵdaıy jáne perspektıvalary týraly pikirlermen almasty, sondaı-aq halyqaralyq uıymdarǵa qatysýshy memleketterdiń esirtkige qarsy vedomstvolarynyń ózara is-qımylyn odan ári keńeıtý qajettiligin atap ótti.

Іs-shara barysynda Q. Qasymov halyqaralyq uıymdardyń transulttyq esirtki qylmysyna qarsy is-qımyl salasynda yntymaqtastyqty nyǵaıtý jáne dıalogty qalyptastyrýdaǵy erekshe rólin atap kórsetti.