Qalmuhanbet Qasymov Beıjińde birqatar áriptesterimen kezdesý ótkizedi
ASTANA. QazAqparat - QR Іshki ister mınıstri, polıtsııa general-polkovnıgi Qalmuhanbet Qasymov bastaǵan delegatsııa Beıjińde ótip jatqan Halyqaralyq qylmystyq polıtsııa uıymy (Interpol) Assambleıasynyń 86-otyrysyna qatysýda, dep habarlaıdy QazAqparat.
QR ІІM Memlekettik til jáne aqparat departamentiniń dırektory Almas Sadýbaevtyń aıtýynsha, mınıstr Qasymov Assambleıa jumysyna qatysýmen qatar QHR Qoǵamdyq qaýipsizdik mınıstri Go Shenkýnmen kezdesip, eki eldiń arasyndaǵy yntymaqtastyq máselelerin talqylaǵan.
«Sonymen qatar Qalmuhanbet Qasymovtyń Reseı Federatsııasy Іshki ister mınıstri V.Koloýoltsevpen, Tájikstan Іshki ister mınıstri R.Rahımzodamen, Moldova Іshki ister mınıstri A.Jızdanmen ekijaqty kezdesýi josparlanǵan. Júzdesýler barysynda qylmyspen kúres salasyndaǵy, onyń ishinde Interpol aıasyndaǵy ózara is-qımyldardy odan ary nyǵaıtý máseleleri talqylanatyn bolady», - dedi A.Sadýbaev.
Aıta keterligi, Halyqaralyq qylmystyq polıtsııa uıymy Assambleıasynyń 86-shy otyrysynyń ashylýyna QHR Tóraǵasy Sı Tszınpın men Interpol bas hatshysy ıÝrgen Shtok qatysyp, sóz sóılegen. Otyrysta Interpoldy damytý keleshegi, sonymen qatar múshe memleketterdiń quqyq qorǵaý organdarynyń qylmyskerlerdi izdeýdegi yntymaqtastyǵy, transshekaralyq uıymdasqan qylmysqa qarsy turý, halyqaralyq terrorızm men kıberqylmyspen kúres máseleleri jan-jaqty talqylanǵan.
