«Kalmar oıyny» serııaly plagıat»: Úndi rejısseri Netflix-ti sotqa berdi
ASTANA. KAZINFORM – Úndistandyq kınorejısser Soham Shah Netflix strımıngtik platformasyn sotqa berdi. Ol amerıkalyq kompanııa túsirgen Ońtústik Koreıanyń «Kalmar oıyny» telehıkaıasy onyń «Fortýna» úndi fılminiń plagıaty ekenin aıtty.
Bloomberg basylymynyń habarlaýynsha, shaǵym Nıý-Iork federaldy sotyna berildi.
«Kalmar oıynynyń negizgi sıýjeti, keıipkerleri, taqyryptary, atmosferasy, barysy men dáıektiligi Fortýnaǵa uqsas bolǵandyqtan, mundaı uqsastyqtardyń kezdeısoq bolýy múmkin ekenine sený qıyn», - delingen shaǵymdaǵy jazbada.
Netflix ókili bul aıyptaýlardyń negizsiz ekenin aıtty. Kompanııa óz quqyqtaryn qorǵaýǵa nıetti.
2022 jyly «Kalmar oıyny» basty Emmı syılyǵyn jeńip alǵan alǵashqy sheteldik dramalyq serıal boldy. Serıal shyqqannan keıin birneshe aı boıy Netflix-tegi eń tanymal serııaldardyń biri boldy. Ekinshi maýsym 2024 jyldyń sońynda, al sońǵysy 2025 jyly shyǵady.
