Qalmaqtar Býddanyń týǵan kúnin atap ótedi
ASTANA. QazAqparat - Búgin, 2 maýsym kúni Kalmykııada Býdda Shakıamýnıdiń týǵan kúni qurmetine onyń ómiri týraly derekti fılm, dinı taqyryptardaǵy dárister ótip, arnaıy ǵıbadattar men yrymdar jasalady. Bul týraly "RIA Novostı" agenttigine respýblıkanyń ortalyq Quralynyń (hýrýl) ókili habarlady.
Respýblıka basshysy Alekseı Orlovtyń jarlyǵyna sáıkes, bul kún demalys kúni dep jarııalanǵan. Ańyzǵa súıensek, býddızmniń negizin qalaýshy bizdiń eramyzǵa deıin 623 jyly osy kúni dúnıege kelipti. Ýaqyt óte kele, Býdda dál osy kúni nurlanyp, Parınırvanaǵa (sheksiz tynyshtyq pen baqyt) ketip, kóz jumǵan. Osylaısha, Býddanyń ómirindegi eń mańyzdy úsh oqıǵa bir kúnde atalyp ótiledi. «Kúndiz sondaı-aq, «Býddanyń ómiri» derekti fılmin kórsetý josparlanǵan. Onda «Ómir Qupııasynyń» syryn ashý úshin saraıdan ketken jas adam týraly baıandalady», - deıdi hýrýl ókili.
