Qallekı teatrynyń jańa maýsymy ashylady
NUR-SULTAN. QazAqparat – 1 qazan kúni Q. Qýanyshbaev atyndaǵy memlekettik akademııalyq qazaq mýzykalyq–drama teatry XXXI jańa maýsymyn ashady, dep habarlaıdy QazAqparat.
Qallekı teatry dástúr boıynsha jańa maýsymdy M.Áýezovtyń «ABAI» qoıylymymen bastaıdy.
«Abaı» tragedııasynyń qoıýshy rejısseri – Qazaqstannyń eńbek sińirgen qaıratkeri Álimbek Orazbekov. Sahnada Aǵa Abaı beınesin Qazaqstannyń Halyq artısi Tilektes Meıramov, Abaı beınesin – Qazaqstannyń eńbek sińirgen qaıratkeri Nurken Óteýil somdaıdy. Premerasyna 12 jyl bolǵan bul qoıylymnyń teatr repertýaryndaǵy orny erekshe. Ǵasyrlar boıy qalyptasqan kertartpa ádet-ǵuryp pen mylqaý kúsh, dúleı zamandy aıyptap ótken Abaı oıy, Abaı fılosofııasy sahnada uly M.Áýezov dramatýrgııasymen ótken ǵasyrǵa jol tartqanymen, búgingi kórermen úshin de kókeıkestiligin joǵaltqan joq», - dep jazylǵan teatrdyń baspasóz qyzmetiniń aqparatynda.
Sonymen birge, bıyl el Táýelsizdigine jáne Qallekı teatryna 30 jyl tolady. XXXI jańa maýsymda Qallekı teatrynyń 30 jyldyq mereıtoıyna arnalǵan sharalar da usynylady.
