Qallekı teatrynyń jańa maýsymy «Abaı» spektaklimen ashylady
ASTANA. QazAqparat - Q.Qýanyshbaev atyndaǵy Memlekettik akademııalyq qazaq mýzykalyq drama teatry HHV mereıtoılyq maýsymyn «Abaı» tradegııasymen ashady. Bul týraly QazAqparat tilshisine teatrdyń baspasóz qyzmetinen habarlady.
«HHV jańa maýsym shymyldyǵyn M.Áýezovtiń «Abaı» tragedııasymen ashpaqpyz. Uly Abaıdyń týǵanyna 170 jyl tolýyna oraı 1-qazan kúni teatr óz kórermenderin osy spektakldi kórýge shaqyrady. Jańa maýsymnyń jańalyǵyna keletin bolsaq, teatr ujymy M.Áýezovtiń «Qarash-qarash» áńgimesi boıynsha jazylǵan dramatýrg Qalıhan Ysqaqtyń «Tańǵy jańǵyryq» shyǵarmasynyń premerasyn usynbaq», - deıdi teatrdyń baspasóz hatshysy Ásem Chapaıqyzy.
Derekkózine súıensek, teatr sondaı-aq 2015 jyldyń 21-26 qyrkúıek aralyǵynda Qazaqstan Respýblıkasy Mádenıet jáne sport mınıstrliginiń qoldaýymen Shyǵys Qazaqstan oblystyq drama teatrynda ótetin Qazaqstan drama teatrlarynyń XXIII respýblıkalyq festıvaline qatysady. Teatrlar festıvline Astana, Aqmola, Qaraǵandy, Semeı, Batys Qazaqstan qalalarynyń teatrlary óz qoıylymdaryn kórsetedi.
24 qyrkúıek kúni saǵat 18.00-de Qallekı ujymy V.Ejovtyń «Tyraýlap ushqan tyrnalar» lırıkalyq dramasymen festıval shymyldyǵyn jabady. Spektakl rejısseri - QR halyq artısi Talǵat Temenov. «Q.Qýanyshbaev atyndaǵy Memlekettik akademııalyq qazaq mýzykalyq drama teatry 1 qazan kúni saǵat 17.30-da HHV mereıtoılyq jańa maýysymnyń ashylýyna oraı baspasóz konferentsııasyn ótkizýdi josparlap otyr. Jáne de Atyraý qalasynda qazan aıynyń 20-26 aralyǵynda ótetin dramatýrg, jazýshy «Rahymjan Otarbaev» atyndaǵy Teatr festıvaline «Nashaqor novellasy» atty shyǵarma jelisi boıynsha sahnalanǵan rejısser Nurlan Jumanııazovtyń «Kóleńkesiz jolaýshy» psıhologııasymen qatysady» - dep habarlady Ásem Chapaıqyzy.
