Qallekı teatry jas dramatýrgterge izdeý saldy
ASTANA. QazAqparat - Q.Qýanyshbaev atyndaǵy Memlekettik akademııalyq qazaq mýzykalyq drama teatry pesaǵa qalam tartyp júrgen jastardy birlese jumys isteýge shaqyrady, dep habarlaıdy QazAqparat tilshisi.
Bul týraly Q.Qýanyshbaev atyndaǵy Memlekettik akademııalyq qazaq mýzykalyq drama teatrynyń jetekshisi Aıbolat Seksembaev Astanada ótken baspasóz máslıhatynda málimdedi.
"Dramatýrgııa salasyna qalam tartyp júrgen jas dramatýrgterdiń, sonyń ishinde qazaqsha komedııa jazatyn jastardyń bizge habarlasýyn suraımyz. Úmitkerler jibergen shyǵarmalardy kórkemdik keńes arqyly iriktep, jaqsy pesalardy jaryqqa shyǵarǵymyz keledi. Búginginiń jastaryn kórgimiz keledi, olardyń únin estigim keledi", - deıdi teatr jetekshisi.
Aıta keteıik, 26 qazan kúni Q.Qýanyshbaev atyndaǵy Memlekettik akademııalyq qazaq mýzykalyq drama teatrynyń HHVII jańa maýsymy ashylady. Ótken maýsymda "Er Tóstik", "Ámire", "Qyzyl oramaldy shynarym", "Zere" qoıylymdaryn usynǵan teatr ujymy bul joly halyqty Shámshi Qaldaıaqovtyń obrazymen, Oralhan Bókeı shyǵarmalarymen jáne sheteldik klassıkalyq týyndylarmen qýantpaq.
