«Qallekı» teatry Máskeýdegi halyqaralyq teatrlar saıysynda bas júldege ıe boldy
ASTANA. QazAqparat - 30 qarasha kúni Qazaqstan atynan Astanadaǵy Q.Qýanyshbaev atyndaǵy Memlekettik akademııalyq qazaq mýzykalyq drama teatry Máskeýde ótip jatqan «ZOLOTOI VITıAZЬ» XIII Halyqaralyq teatr forýmyna «Tyraýlap ushqan tyrnalar» (Avtory: V.Ejov, rej.: T.Temenov) lırıkalyq dramasymen qatysyp, forým qonaqtary men kórermender tarapynan ystyq yqylasqa bólengen bolatyn. Atalǵan Halyqaralyq forým búgin óz máresine jetip, qazylar alqasy óz sheshimderin tujyrymdady, dep habarlady baistars.kz.
Qazaqstannyń Halyq artısi Tilektes Meıramov - polkovnık Lýkıanov, akter Ábilmansur Serikov - Pernebek Boranbaev, aktrısa Aqmaral Tanabaeva - Inga rólderi úshin «ZOLOTOI VITıAZЬDІŃ» dıplomanttary atandy. Sondaı-aq, úsh birdeı jeńiske qosa, «Tyraýlap ushqan tyrnalar» qoıylymy «ZOLOTOI VITıAZЬ 2015» kýbogy, ıaǵnı GRAN-PRI júldesin jeńip aldy.
