Qallekı teatry festıvalǵa barady
ASTANA. 10 mamyr. QazAqparat - Qazaqstan Teatr qaıratkerleri Odaǵy 2012 jyldyń 24-27 mamyry aralyǵynda S.Seıfýllın atyndaǵy Qaraǵandy oblystyq qazaq drama teatrynyń 80 jyldyq mereıtoıyna arnap «Іzdenis izderimen...» atty eksperımentaldi spektaklderdiń aımaqtyq festıvalin uıymdastyryp otyr.
Atalmysh festıvalǵa Astana qalasynan Q.Qýanyshbaev atyndaǵy Memlekettik akademııalyq qazaq mýzykalyq drama teatry M.Áýezovtiń «Aıman - Sholpan» mýzykalyq komedııasynyń zamanaýı nusqasymen qatysady. Qoıylym 26 mamyr kúni saǵat 18.30 da Qaraǵandylyq K.Stanıslavskıı atyndaǵy orys drama teatrynyń ǵımaratynda bolady.
Festıvalǵa usynylatyn týyndy - sáýlege toly, ázilmen árlengen ádemi mýzykalyq komedııa. Atalmysh qoıylymnyń eń basty ereksheligi zamannyń úrdisine oraılastyrylyp, jańarǵandyǵy. Shyǵarmanyń mazmuny ózgertilmeı, tek onyń sahnalyq berilý tásili ózgerdi. ıAǵnı qoıylym M.Áýezovtiń klassıkalyq keıpinen alystady. Demek, bul qoıylymnyń keıipkerleri jańa zamannyń beıneleri bolyp somdalady. Atap ótsek, M.Áýezovtyń klasıkalyq keıipkerleri Aıman men Sholpan búgingi zamanǵy «olıgarhtyń» erke qyzdaryna, Álibek ıntellıgentsııa ókiline, Arystan men Kótibarlar «jańa qazaq» beınesine aınalmaq. Jaras dı-djeıdiń, Teńge «vamp áıeliniń» beınesinde kórinis tabady. Qoıylym ádettegideı án men bıge toly bolǵanymen, onyń kórermenge jetkizý tásili zamannyń tynysyna oraılastyrylyp, ózgertilgen.
M.Áýezov halyq aýyz ádebıetinde qazaq qyzy Aımannyń beınesi arqyly izet-ınabatty, keń peıildilikti, tapqyrlyqty, kúsh-qaıratty sýrettegen edi. Sondaı-aq, kórermen burynǵy qoıylymdardan oqıǵa jelisimen qatar, qazaq halqynyń salt-dástúrine qarap, klassıkalyq áýenderin tyńdaǵan bolatyn. Al bul qoıylymda kórermender aıtystyń, bıdiń búgingi ózgergen stılin tamashalaı alady. Sebebi qoıylymdaǵy ánder jańadan jazylǵan. Onyń kompozıtory Qaırat Toqymbetov. Eń bastysy kórermen kópshilik qoıylymnan búginde mahabbattyń quny áli de joǵary ekendigine kóz jetkizedi. Sebebi qoıylym barysynda keıbir keıipkerlerdiń mahabbattan dúnıequmarlyqty joǵary qoıatyn kertartpa minezderi kúlkige aınalady.
