«Qalqanqulaq» telehıkaıasyn ıýtýbta 2 mln adam tamashalady
Otyrys barysynda Erlan Qarın aqparat taratý boıynsha televızııanyń jáne radıonyń domınantty bolǵanyna qaramastan, ınternet aqparat alý, izdeý jáne kóńil kóterý boıynsha óz ornyn jaýlap alyp otyrǵandyǵyn atap ótti.
«Bizdiń BAQ quraldary ınternetti óz baǵdarlamalaryn jarnamalaý úshin jáne tanymaldalyǵyn arttyrý úshin óte jıi qoldana bastady. Biz ınternet saıtymyzdy jáne ınternet paraqshalarymyzdy kúnnen kúnge jetildirýge tyrysamyz jáne eń bastysy onyń keri baılanys fýnktsııasyn qoldanamyz. Ol óz kezeginde aýdıtorııanyń shynaıy pikirin bilýge kómektesedi. Osylaısha ınternet bizdiń ómirimizdiń barlyq salasyna enip ketkendigin, BAQ-tyń onlaın-resýrstaryn qazaq tili basym bolatyn tolyqqandy medıaktıvterge aınaldyrý kerektigin eskerý qajet», - dedi ol.
Korporatsııa basshysynyń paıymynsha, qazirgi kezde istep turǵan saıttardy progressıvti qoldanýshylar men jarnama berýshiler úshin qyzyqty onlaın-resýrstarǵa aınaldyrý, televızııalyq aqparat legi men radıolardyń onlaın saıttardyń aqparatyn sınhrondaý jáne til týraly biryńǵaı kontenttik saıasatty qoldaný arqyly tolyqqandy medıaktıvterge qol jetkizýge bolady.
«Damýdyń osy jolynyń perspektıvaly ekendigi jaıynda kelesi mysaldy keltirýge bolady. Jańa maýsym aıasynda «Balapan» telearnasynda efırge shyqqan «Qalqanqulaq» balalar jobasy - 17 qyrkúıekten bastap ıýtýb platformasyna quıylǵan bolatyn. Sol kúnnen bastap «Qalqanqulaq» balalar telehıkaıasyn 2 mln adam kórgen eken», - dedi ol.