Kalınıngrad túbinde tabylǵan qupııa qoımadan Birinshi dúnıejúzilik soǵys kezindegi 10 mlrd. nemis markasy tabyldy
ASTANA. QazAqparat - Kalınıngrad oblysynda eriktiler Birinshi dúnıejúzilik soǵys kezindegi mert bolǵandar jerlengen zırattardyń birine abattandyrý jumystaryn júrgizip jatqan shaqta qupııa qoımanyń ústinen shyqty.
Onda HH ǵasyrdyń bas kezindegi zattar jáne keıingi urpaqqa joldanǵan hat tabyldy.
Bul týraly TASS agenttigi «Tehnopolıýs GS» eriktiler qozǵalysynyń baspasóz hatshysy Ekaterına Tıýkelge silteme jasap habarlaıdy.
«Nesterov aýdanyndaǵy Chkalov kentinde Birinshi dúnıejúzilik soǵysta qaza tapqandar jerlengen zıratty jónge keltirip jatqan eriktiler metall jáshik taýyp alǵan»,-deıdi Tıýkel. Ony Gýsev qalasynyń tarıhı-ólketaný mýzeıiniń qyzmetkerleri ashqan. Jáshikte hattyń qoljazbasy -urpaqqa joldanǵan amanat, Entsnen-Trakenen áskerı quramalarynyń belgisheleri, HH ǵasyrdyń basyndaǵy nemis jáne shyǵysprýssııalyq patrıottyq gazettiń birneshe nómiri bolǵan.
Sondaı-aq metall jáshikten túrli aqsha banknottary, Veımar respýblıkasy dáýirindegi 10 mlrd. nemis markasy (1919-1933 jj) tabyldy.
