Qalyń jaýǵan qardan Almatyda 10 baldyq kólik keptelisi paıda boldy

ALMATY. KAZINFORM – Almatyda tústen keıin aýa raıy kúrt nasharlap, boran soǵyp, qar jaýa bastady. Sonyń saldarynan qala kóshelerinde kólik keptelisi paıda boldy.

Qalyń qardyń túsýine baılanysty qalada kólik keptelisi 10 baldyq kórsetkishterge jetti. Ol týraly málimet 2GIS servısine shyqty.

Qala kósheleriniń basym bóligi, ásirese ál-Farabı, Abaı, Seıfýllın, Raıymbek, Nazarbaev dańǵyldary, Jeltoqsan, Sátpaev, Muqanov, Baıtursynov, Tóle bı kóshesi men Shyǵys aınalma avtokólik joly qyzyl tústi kórsetip tur.

Búgin Almaty ákimdigi aýa raıynyń nasharlaýyna baılanysty kommýnaldyq qyzmetterdiń kúsheıtilgen jumys rejımine kóshkenin aıtqan bolatyn.

Almaty halyqaralyq əýejaıynda aýa raıynyń qolaısyzdyǵyna baılanysty reıster toqtatyldy.