Qalyń qar Mıýnhen men Venany ábigerge saldy

ASTANA. KAZINFORM — Tolassyz jaýǵan qar Bavarııa men Avstrııadaǵy áýe qatynasyna qaıtadan kedergi keltirdi, dep Bild basylymy jazdy.

Mıýnhen áýejaıynda 20 aqpanǵa qaraǵan túni sondaı-aq tańda jappaı reıster keshigip, ushpaı qaldy. Bir kún buryn shamamen 100 reıs toqtatylsa, 20 aqpan tańyna qaraı taǵy 50-ge jýyq reıs keıinge qaldyrylǵan. Áýejaı jumysynyń qashan tolyq qalpyna keltiriletini ázirge belgisiz.

Sonymen qatar Bavarııa joldarynda ondaǵan jol-kólik oqıǵasy tirkelip, keminde 12 adam jaraqat alǵan.

Vena áýejaıy 20 aqpan tańerteń birneshe saǵatqa tolyq jumysyn toqtatty. Sonyń saldarynan shamamen 150 reıs toqtatyldy. Ótken túnde Avstrııa astanasynda 20 sm-ge jýyq qar jaýǵan.

Áýejaı málimetinshe, keshe beri shamamen 15 myń tonna qar shyǵarylǵan, bul shamamen 1 myń júk kóligine teń.

Al kesheden beri Máskeýge jaýǵan qalyń qardan keptelis údep, taksı baǵasy sharyqtady. Tipti keıbir reıster ushpaı qaldy.