Qalyń qar men kóktaıǵaq: Almatyda 33 jol-kólik oqıǵasy boldy

ALMATY. KAZINFORM - Almatyda aýa raıyna baılanysty jol apatynyń sany artqan.

Polıtsııa departamentiniń málimetine sáıkes, 7 qańtar saǵat 22:00-den 8 qańtar 12:00-ge deıin 33 jol-kólik oqıǵasy bolǵan. Jol apattary saldarynan 2 azamat zardap shekti.

Buǵan deıin Almaty polıtsııasy júrgizýshilerge eskertý jasaǵanyn jazǵanbyz.

Polıtsııanyń bul úndeýi aýa raıynyń jáne qaladaǵy jol qozǵalysy jaǵdaıynyń nasharlaýyna baılanysty jasaldy. Tártip saqshylary júrgizýshilerdi asa saq bolýǵa, jyldamdyqty shekten asyrmaýǵa, tejegish pedalin qatty baspaýǵa, eń bastysy, oryndalatyn manevr týraly basqa jol qozǵalysyna qatysýshylardy aldyn ala eskertýge shaqyrdy.

Eske salaıyq, ShQO-dan Reseıge bara jatqan avtobýs jolda qalyp, 46 adam evakýatsııalandy.