Qalyń qar, kóktaıǵaq: Óskemende jol apaty 4 ese artty

ÓSKEMEN. KAZINFORM – Óskemen qalasynda aýa qolaısyzdyǵyna baılanysty jol apaty kúrt kóbeıdi.

Qalada qalyń qar jaýyp, kóktaıǵaq bolýy saldarynan júrgizýshilerge kólik aıdaý qıyndap ketti. Alǵashqy qar Óskemende 5 qarashada jaýǵan bolatyn. Sol kezde bir kúnde 23 jol apaty tirkeldi.

Negizinen qalada táýligine ortasha eseppen 10, ary ketse 15 jol apaty bolatyn.

- Kelesi kúni 25 jol-kólik oqıǵasy boldy. Al 7 qarashada jol apattarynyń sany 40-qa jetti. Bul ádettegi kórsetkishten 4 ese kóp. Osy rette, kólik júrgizýshilerine qysqy dóńgelekke aýysýdy, jyldamdyqty shekteýdi jáne qaýipsiz araqashyqtyqty saqtaýdy qatań eskertemiz, - dep habarlady qalalyq polıtsııa basqarmasynyń baspasóz qyzmetinen. 

Aıta keteıik, 1 jeltoqsannan bastap dóńgelekterin qystyqqa aýystyrmaǵan júrgizýshiler ákimshilik jaýapkershilikke tartylady.

Eske salsaq, osyǵan deıin Pavlodar oblysynda jolaýshylar avtobýsy aýdarylyp, bir adam qaza tapqany habarlanǵan.