Kalıfornııanyń bas prokýrory Trampty sotqa berdi

ASTANA. KAZINFORM – Kalıfornııanyń bas prokýrory Rob Bonta dúısenbi kúni Tramp ákimshiligin Los-Andjeleske Ulttyq gvardııa carbazdaryn ornalastyrýyna baılanysty sotqa berdi, dep habarlaıdy NBC News. 

Aryzda sottan prezıdent Donald Tramptyń Kalıfornııa gýbernatory Gevın Nıýsomǵa ótinim bermeı tyıym salý sheshimi «zańsyz» ekeni jáne ony joıý kerek dep sheshý talaby qoıylǵan.

Bontanyń málimdeýinshe, Tramptyń buıryǵy «gýbernator Nıýsomnyń Kalıfornııa Ulttyq gvardııasynyń bas qolbasshysy retindegi róline nuqsan keltiredi jáne shtattyń Ulttyq gvardııany baqylaý men qoldaýǵa degen egemen quqyǵyn buzady».

Bonta talapta Qorǵanys mınıstrligi gýbernatorlyq keńsege Kalıfornııa Ulttyq gvardııasyn ornalastyrý týraly tikeleı habarlaspaǵanyn jáne federaldy agentter men federaldy múlikti qorǵaý úshin áskerı kúshterdi paıdalanýǵa ruqsat suramaǵanyn atap ótti.

Dúısenbide sotqa aryz bermes buryn ótken baspasóz máslıhatynda Bonta Trampty «saıası maqsattary úshin oryndarda haos pen daǵdarys týdyrýǵa tyrysty» dep aıyptady.

Ol sondaı-aq 1965 jyly prezıdent Lındon Djonson azamattyq quqyqtaryn qorǵaý úshin sherýge shyqqan adamdarǵa Alabamaǵa ásker jibergen kezden beri bul gýbernatordyń kelisiminsiz alǵash ret áskerı kúsh qoldanylǵanyn habarlady.

Buǵan deıin AQSh prezıdenti Donald Tramp ákimshiligi bılik ımmıgratsııalyq qyzmet júrgizgen reıdterden keıin sherýshiler men qaýipsizdik kúshteri arasyndaǵy qaqtyǵys kezinde Los-Andjeleske 700 teńiz jaıaý áskerin jiberip jatqanyn rastady.