Kalıfornııalyq Pasadına qalasynda 128-shi ret jyl saıynǵy raýshan sherýi ótti
ASTANA. QazAqparat - Dúısenbide Pasadına qalasynda (Kalıfornııa shtaty) jyl saıynǵy raýshan sherýi ótti. Birneshe júz myńdaǵan adam jaýyn-shashyn, sýyq aýa raıyna qaramastan sherýdi tamashalady.
Quqyq qorǵaý organdarynyń myńnan astam qyzmetkeri tártipti qadaǵalady. Barlyq qıylystarǵa qorshaýlar qoıyldy. Bılik ókilderiniń habarlaýynsha, eshqandaı oqys oqıǵa tirkelgen joq.
Alǵashqy Raýshan sherýi Pasadınada 1890 jyly 1 qańtarda ótken. Ony jergilikti ańshylyq klýbynyń músheleri oılap taýyp, uıymdastyrǵan. Sodan beri saltanatty sharany jańa jyldyń alǵashqy kúni ótkizý dástúrge aınaldy. Sharany teledıdardan ondaǵan mıllıon amerıkandyqtar men kúlli álem kórermenderi tamashalaıdy.
