Kalıfornııalyq kompanııa ushatyn kólikti synap kórdi

Alef Aeronautics kompanııasy jańadan qurastyrylǵan elektromobıl 160 shaqyrymnan astam qashyqtyqqa ushatynyn mádimdedi. Biraq ázirge synaq kezeńinen ótip jatqan kólik jerden qatty alystaı qoıǵan joq, dep habarlaıdy QazAqparat Euronews arnasyna silteme jasap.

Tehnologııalyq jańalyqtar adamzatty ǵaryshqa ushyryp, ınternet pen jasandy ıntellekt jetistikterine de jetkizdi, alaıdy kóliktiń ushýy adam nanǵysyz fantastıkadaı kórinedi.

Degenmen, amerıkalyq Alef Aeronautics kompanııasy kelesi jyly adamzat kóliktiń de kókke kóterilgeniniń kýási bolatynyn málim etti.

Detroıt avtosalonynda kalıfornııalyq kompanııa A úlgisindegi ushatyn kóliktiń prototıpin tanystyrdy. AQSh federaldy avıatsııa ákimshiligi jazyq jerde júrýge jáne ushýǵa qabiletti alǵashqy elektromobıldi synap kórýge ruqsat berdi.

Ázirge kompanııa kópshilikke arnalǵan eksperımenttik reısterdi nemese kóliktiń ushý kezindegi beınejazbalaryn jarııalaǵan joq.

Kólik eki propellermen jabdyqtalǵan, bul onyń tik ushyp kóterilýine jáne qonýyna múmkindik beredi.

Kompanııa ókilderiniń aıtýynsha, elektromobıldiń jerdegi júrý qashyqtyǵy 320 shaqyrymǵa jýyq, al ushý qashyqtyǵy 160 shaqyrymnan asady.