Kalıfornııadaǵy orman órtinen 6 adam mert boldy
LOS-ANDJELES. QazAqparat – AQSh-tyń batysyndaǵy órt sóndirýshiler toby, áskerı ushaqtar jáne Ulttyq gvardııa kúshteri jeksenbide AQSh-tyń Kalıfornııa shtatyna aımaqtaǵy jıyrmaǵa jýyq iri orman órtin óshirý úshin keldi. San-Frantsısko shyǵanaǵy aımaǵy órtenip jatyr. 200 myńnan astam adam úılerin tastap ketýge májbúr bolǵan, dep habarlaıdy QazAqparat agenttigine silteme jasap.
«Órt ártúrli baǵytta taralýda jáne birneshe eldi mekenge taraǵan», - dep habarlady LNU Lightning Complex dep atalatyn eń iri órt týraly Kalıfornııanyń orman sharýashylyǵy jáne órtten qorǵaý departamenti.
Sońǵy aptada Kalıfornııanyń soltústigi men ortalyǵynda naızaǵaı túsken soń tutanǵan órt kem degende alty adamnyń ómirin qıdy. 700-ge jýyq úı men basqa da ǵımarattardy qıratqan. Jalpy alǵanda, órt saldarynan shamamen bir mıllıon akr jer janyp ketti.
Órt Napa, Sonoma, Leık, Jolo jáne Solano okrýgterindegi shamamen 340000 akr (1 akr - 0,4 gektar) aýmaqty qamtyǵan.
Qazirgi ýaqytta bul amerıkalyq shtat tarıhyndaǵy ekinshi iri tabıǵı órt jáne jeksenbi kúni tústen keıin tek 17%-y ǵana óshirildi. Ońtústik baǵyttaǵy SCU Lightning Complex dep atalatyn órt 339 000 akr aýmaqqa taraldy.
Senbide AQSh prezıdenti Donald Tramp órtti iri tabıǵat apaty dep jarııalady, jeti aýdanda órtten zardap shekken turǵyndar men kásiporyndarǵa ýaqytsha baspana men jóndeý aqysyn tóleýge kómektesý úshin federaldy q arajat bólýdi buıyrdy.
