Kalıfornııadaǵy orman órti 404 qurylys nysanyn zaqymdady
NUR-SULTAN. QazAqparat – Amerıkanyń Kalıfornııa shtatynda bolǵan «Dıksı» órtiniń jalyny tórt okrýgtiń myńdaǵan shaqyrymyna tarady, dep habarlaıdy QazAqparat San Francisco Chronicle-ǵa silteme jasap.
Shtattaǵy Plýmas, Bıýt, Tehama jáne Lassen okrýgterinde órship turǵan orman órti 404 qurylys nysanyn, sonyń ishinde tarıhı Grınvıll qalasyndaǵy 27 qurylysty zaqymdaǵan. Jalyndy sóndirýge 5 myńnan astam órt sóndirýshi jumyldyryldy.
Senbi kúni Kalıfornııa shtatynyń gýbernatory Gevın Nıýsom kezinde Grınvıll qalasyna baryp, Twitter-de kózimen kórgen jaǵdaı týraly jazdy.
Basylym málimetinshe, «Dıksı» órti 13 shildede bastaldy. Onyń oryn alýyna elektr tasymaldaý jelilerine aǵashtyń qulaýy sebep bolýy múmkin.
