Kalıfornııadaǵy «Makkınnı» órti 21 myń gektar orman alqabyn jalmap ketti
NUR-SULTAN. QazAqparat – «Makkınnı» orman órti bıyl Kalıfornııadaǵy eń iri órt boldy. Juma kúni Oregonmen shekaradaǵy Klamat ulttyq saıabaǵy órtenip, demalys kúnderi jalyn 21 myń gektar ormandy alqapty órtep ketti, dep habarlaıdy QazAqparat Euronews aqparat agenttigine silteme jasap.
Naızaǵaı, aptap ystyq, qurǵaqshylyq pen jel saldarynan júzdegen órt sóndirýshi órttiń taralýyn ustap tura almady. Jergilikti sherıftiń aıtýynsha, jeksenbi kúni keshke órt áli de aýyzdyqtalmaǵan. Qutqarýshylar úsh myńǵa jýyq jergilikti turǵyndy evakýatsııalaýǵa májbúr boldy. Keıbir turǵyn úıler men ınfraqurylym nysandary órtenip ketken. Bılik shyǵyn kólemin baǵalaýdy jalǵastyrýda.
Jalynnyń jylýy áýeli naızaǵaı, sodan keıin jańa órttiń shyǵýyna sebep bolatyn pırokýmýlonımbýs dep atalatyn bultty týdyrdy. Bul rette sınoptıkter órtten shyqqan tútin aýa temperatýrasyn tómendetip, jańa jalynnyń týmaýyna septigin tıgizetinine úmittenip otyr.
Vıdeodan alynǵan kadr
