Kalıfornııadaǵy golf alańynan tiri akýla tabyldy
ASTANA. 27 qazan. QazAqparat - Kalıfornııada kógaldaǵy golf alańynda kishkentaı, 3 tisi bar, salmaǵy 1 kelige jýyq tiri akýla tabyldy, dep habarlady UPI.
Golf-klýbtyń atqarýshy dırektory Melıssa Makkormak atap ótkendeı, ózi de, áriptesteri de alańnan tabylǵan balyqtyń tiri bolǵanyna tań qalǵan. Teńiz balyǵynyń denesinen jabaıy ań salǵan jaraqat tabyldy. Boljam boıynsha, jyrtqysh qus ushyp bara jatqan kezinde ustap alǵan «oljasyn» alańǵa túsirip alǵan.
Golf-klýbtyń qyzmetkerleri akýlany sý quıylǵan shelekke salyp, buǵazǵa baryp, «bostandyqqa» jibergen. Ol sol sátte-aq júzip kete barǵan.
