Kalıfornııadaǵy alapat órt: 119 myńnan astam turǵyn evakýatsııalandy
NUR-SULTAN. QazAqparat – AQSh-taǵy Kalıfornııa shtatynyń bıligi tabıǵı órt qaýip tóndirgen 119 myńnan astam turǵyndy evakýatsııalaýǵa májbúr boldy. Bul týraly juma kúni gýbernator Gevın Nıýs óziniń Twitter paraqshasynda júrgizilgen baspasóz máslıhatynda aıtty, dep habarlaıdy QazAqparat.
«Evakýatsııa jónindegi habarlama jaǵdaıdyń qaýiptiligine baılanysty berilip otyr. Buǵan jeńil qaraýǵa bolmaıdy. Biz mundaı habarlamany 119 myń adamǵa jiberdik», - dep atap kórsetti ol.
Degenmen The Associated Press agenttiginiń derekterine qaraǵanda, bul kórsetkish qazirdiń ózinde 140 myń adamnan asqan.
Gýbernatordyń aqparatyna sáıkes, Kalıfornııanyń soltústigindegi órt oshaqtary 367-den 560-qa ósken.
312 myń gektar jer órtenip ketti. Alapat jalynmen kúreske 12 myń órt sóndirýshi, myńnan astam mashına, 241 býldozer, 88 tikushaq jáne 24 ushaq tartylǵan.
Alty adam qurban boldy.
Aıta ketsek, Nıýs 18 tamyzda aptap ystyq pen órtke baılanysty shtatta tótenshe jaǵdaı jarııalaǵan bolatyn.
Kalıfornııadaǵy Ajal alqabyndaǵy Mohave shóli aýmaǵynda jańa temperatýralyq rekord tirkeldi. Munda termometr baǵany 54,4 gradýsqa deıin kóterilgen.
