Tramp Kalıfornııada mıtıng ótkizgeli jatqanda tapanshasy bar er adam ustaldy

ASTANA. KAZINFORM - Kalıfornııada AQSh prezıdenttigine kandıdat Donald Tramptyń mıtıngisi ótip jatqan jerdiń mańynda qarýly er adam ustaldy, dep jazady VVS.

Rıversaıd okrýginiń sherıfi Chad Bıankonyń aıtýynsha, Las-Vegastyń 49 jastaǵy turǵyny Vam Mıller Tramp kóshe qıylysynda sóıler aldynda bir saǵat buryn ustaldy - ol qara tústi jol talǵamaıtyn kólikte bolǵan. Qolynda sholaq myltyq, oqtalǵan tapansha bolǵan.

Polıtsııa sondaı-aq onyń birneshe tólqujaty men júrgizýshi kýáligi de bolǵanyn aıtady.

Er adam buǵan deıin qarý-jaraq pen oq-dárilerdi zańsyz saqtady degen aıyppen qamaýǵa alynyp, keıin 5000 dollar kepildikpen bosatylǵan. Onyń tyńdaýy kelesi jyldyń 2 qańtaryna belgilengen.

Bılik oqıǵanyń Tramp pen mıtıngige qatysýshylar qaýipsizdigine áser etpegenin aıtty.

Jergilikti polıtsııanyń habarlaýynsha, tártip saqshylary Donald Trampqa jasalǵan qastandyq árekettiń jolyn kesti. Biraq oqıǵaǵa qatysty kóp suraq jaýapsyz qaldy.