Kalıfornııadaǵy órtke baılanysty 200 myńǵa jýyq adamǵa qaýip tónip tur

ASTANA. KAZINFORM – Los-Andjeles okrýginde jalǵasyp jatqan órt jalynnyń jańa aýdandarǵa taralý qaýpin tóndirip otyr, dep habarlaıdy Kazinform menshikti tilshisi.

Onda 200 myńǵa jýyq adamǵa evakýatsııalaný qaýpi tónip tur.

Qazirgi kezde Itondaǵy jalyn 14 117 akr (5 713 ga) aýmaqty qamtyp otyr, 73%-y sóndirildy, al Palıseılstegi órt 23 713 akr (9 596 ga) aýmaqty qamtydy jáne 52%-y sóndirildi. Pasadınde jalyn 14 myń akr (5 665 ga) astam aýmaqty órtep jiberdi jáne 81%-y aýyzdyqtaldy, dep habarlaıdy ABC News.

Kalıfornııa gýbernatory Gevın Nıýom jeksenbide órtpen kúresý úshin qosymsha resýrstar jumyldyratynyn jarııalady. Atap aıtqanda, shtat bıligi Ońtústik Kalıfornııada 170-ten astam órt sóndirý, sý tasıtyn kólikter men ushaqtardy jumyldyrady. 

Jaǵdaıdy jaǵada 70 mıl (112 km/saǵ) jáne Los-Andjeles pen Ventýra okrýgteriniń taý eteginde 100 mıl (160 km/saǵ) deıin jetýi múmkin jeldiń kúshti ekpini qıyndatyp otyr. 

Jalynnyń Los-Andjeles okrýginiń Santa-Klarıta, Sımı-Vellı, Taýzend-Oýks jáne Berbank qalalaryna taralý qaýpi bar. Bıliktiń birinshi talaby boıynsha 172 myńǵa jýyq adam evakýatsııalanýǵa daıyn.

Los-Andjeles aımaǵyndaǵy órt bıylǵy jyldyń 7 qańtarynda bastalyp, 27 adamnyń ómirin qıdy. 

AQSh prezıdenti Djo Baıden Kalıfornııadaǵy osy jaǵdaıdy shtat tarıhyndaǵy eń iri jáne eń joıqyn órt dep atady. 

Kalıfornııada orman órtine baılanysty apatty jaǵdaı jarııalady. 

AQSh-taǵy órt shyǵynyn saqtandyrý jaba ala ma — Kazinform agenttiginiń menshikti tilshisi mán-jaıdy baıyptap kórgen edi.