Kalıfornııadaǵy orman órti: qazaqstandyq stıpendıattardyń jaǵdaıy qalaı
ASTANA. KAZINFORM - «Halyqaralyq baǵdarlamalar ortalyǵy» AQ Kalıfornııa shtatynda bolyp jatqan orman órtterine baılanysty jaǵdaıdy muqııat baqylaýda.
Qazirgi tańda Kalıfornııa shtatynda 73 stıpendıat bilim alýda, onyń ishinde 56-sy «Bolashaq» baǵdarlamasynyń, al 17-si ǵylymı taǵylymdama baǵdarlamasynyń stıpendıattary. Barlyǵy aman-esen, kýratorlarmen baılanysta.
«Stıpendıattar jergilikti bılik organdarynyń usynystaryn oryndap, jaǵdaı týraly bizge jedel túrde habarlap otyrady. Biz ýnıversıtettermen turaqty baılanystamyz jáne kez kelgen ózgeriske jyldam áreket etýge daıynbyz», – dep habarlady «Halyqaralyq baǵdarlamalar ortalyǵy» AQ baspasóz qyzmeti.
Ortalyq barlyq stıpendıattardy qaýipsizdik sharalaryn qatań saqtaýǵa shaqyrdy.
Tótenshe jaǵdaılarda San-Frantsıskodaǵy Qazaqstan Respýblıkasynyń Konsýldyǵyna habarlasý qajet:
• Mekenjaı: 456 Montgomery St., Suite 950 & GC-5, San Francisco, CA, 94104
• Baılanys telefondary: +1(650) 741-8894
• Elektrondyq poshta: sanfrancisco@mfa.kz
Eske sala keteıik, AQSh prezıdenti Djo Baıden Kalıfornııada orman órtine baılanysty apatty jaǵdaı jarııalady.