Kalıfornııada jer silkinisine baılanysty tótenshe jaǵdaı rejimi ornady
NUR-SULTAN. QazAqparat - Tótenshe jaǵdaı rejimi beısenbi kúni AQSh Kalıfornııa shtatynyń ońtústiginde Kern okrýginde 6,4 magnıtýdaly jer silkinisi saldarynan ornady. Bul týraly shtat gýbernatory Gevın Nıýsomnyń saıtynda jarııalanǵan málimdemede jazylǵan, dep habarlaıdy QazAqparat.
Kern okrýginiń aýmaǵynda Rıdjkrest qalasy ornalasqan (halyq sany 28 myń adam). CNN telearnasy buǵan deıin habarlaǵandaı, Rıdjkrest meri Peggı Brıden qalada jer silkinisinen keıin órt shyqqanyn aıtqan. Órt gaz qubyrynyń zaqymdalýy saldarynan shyǵýy múmkin.
Órt sóndirý qyzmetiniń ókilderi Twitter-de tikeleı efırden kórsetilgen baspasóz máslıhatynda málim etkendeı, órt kezinde birneshe adam jeńil jaraqat alǵan. Qaza tapqandar týraly aqparat ázirge túsken joq. Rıdjkrest aýrýhanalarynyń birinde evakýatsııa júrgizildi. 15 naýqas basqa emdeý mekemesine aýystyryldy.
Bul shırek ǵasyr ishindegi osy shtattaǵy eń kúshti jel silkinisi, dep atap ótti Los Angeles Times gazeti.
