Kalıfornııada ushaq úıdiń tóbesine qulady
ASTANA. QazAqparat - Bortynda eki jolaýshy bolǵan jeńil motorly ushaq amerıkandyq Kalıfornııa shtatyndaǵy úıge qulady, dep habarlady Assoshıeıted Press agenttigi.
AQSh azamattyq avıatsııa federaldyq basqarmasynyń baspasóz qyzmetkeri Allen Kenıtzer habarlaǵandaı, oqıǵa Nevada shtatymen shekara mańyndaǵy Saýt-Leık-Tahoda jergilikti ýaqytpen senbi kúni túnde oryn aldy. Onyń aqparatynsha, Beech 35 Bonanza jeńil motorly ushaǵy Leık Taho áýejaıynan ushqannan keıin qulady.
Jolaýshylardyń jaǵdaıy týraly ázirge esh habar joq. Úıde bolǵan adamdar japa shekpedi. Ushaqtyń qulaýy saldarynan órt shyǵyp, ol shuǵyl sóndirildi.
