Kalıfornııada ushaq apatqa ushyrap, bortta bolǵan 18 adam aman qaldy
ASTANA. QazAqparat - Cessna 208 ushaǵy beısenbide Fresno (Kalıfornııa shtaty) qalasynyń mańyndaǵy júzimdikke apatty jaǵdaıda qondy. AQSh Federaldyq avıatsııalyq basqarmasy habarlaǵandaı, ushqysh pen 17 parashıýtshi aman qaldy.
«Bir motorly Cessna 208 ushaǵynyń aerodromnan ushqannan keıin kóp ótpeı qozǵaltqyshynda aqaý týyndaǵan», - dep naqtylady basqarmanyń resmı ókili ıAn Gregor. Onyń aıtýynsha, ushqysh aýada burylyp, qonýǵa áreket etken. Alaıda aerodromnan 1,6 shaqyrym jerde apatty jaǵdaıda qonýǵa májbúr boldy.
Výdbrıdj aýdany órtke qarsy qyzmet basqarmasynyń derekterine sáıkes, ushaq tas jol mańyna omaqasa aýdarylyp qonǵan, dep habarlady TASS.
«Men kelgen bette esteri kiresili-shyǵasyly ushqysh pen parashıýtshiler aman-esen turǵanyn kórdim. Mynadaı joıqyn jaǵdaıda olardy qudaı saqtady», - dep atap ótti leıtenant Den Shmırer.
Onyń aıtýynsha, aman qalǵandar sheberlik tanytyp, olardy qutqarǵan ushqyshqa alǵys bildirdi. Ol apatty boldyrmas úshin sym jelileriniń astymen ushyp, sońǵy ýaqytta turǵyn úıdi soqpaı, burylyp úlgergen.
