Kalıfornııada tikushaq elektr jelisine qulap, úsh adam qaza boldy
NЬıÝ-IORK. QazAqparat – Amerıkanyń Kalıfornııa shtatynda azamattyq tikushaq apatqa ushyrap, úsh adam qaza tapty, dep habarlaıdy QazAqparat Seymour Tribune agenttigine silteme jasap.
Áýe kemesi seısenbi kúni jergilikti ýaqyt boıynsha saǵat 13:30-da Feırfıld qalasyna jaqyn jerde apatqa ushyrady. Agenttiktiń málimeti boıynsha, tikushaqtyń bortynda Pacific Gas & Electric kompanııasynyń qyzmetkerleri bolǵan.
Apat kezinde áýe kemesi elektr berý jelileriniń birine soǵylyp, tóbeshikke qulaǵan, sodan keıin órt shyqqqan. Oqıǵa saldarynan osy aýdandaǵy 38 myńǵa jýyq úı men qurylys jaryqsyz qaldy. Elektr qýatyn berý qashan qalpyna keletini ázirge belgisiz.
Oqıǵa ornyna tikushaqtyń qulaýy saldarynan bolǵan órtti sóndirýge baǵyttalǵan órt sóndirý mashınasy jolda aýdarylyp qaldy. Úsh órt sóndirýshi túrli jaraqattarymen aýrýhanaǵa jatqyzyldy, olardyń ómirine esh qaýip tónip turǵan joq.
Tikushaq apatynyń mán-jaıy anyqtalatyn bolady.
